Meir om MRSA
Finn svar på spørsmål om antiotikaresistente bakteriar og antibotikabruk, smitte via svinekjøt og kven som bør teste seg.
Innhald på denne sida
- Mykje bruk av antibiotika kan føre til meir LA-MRSA
- Lite risikabelt å spise kjøtt frå smitta grisar
- Desse bør teste seg for LA-MRSA
Mykje bruk av antibiotika kan føre til meir LA-MRSA
Eit høgt forbruk at antibiotika fører til auka reistens hos bakteriar. Høgt forbruk av antibiotika kan også bidra til at LA-MRSA lettare etablerer seg og blir spreidd i ei besetning.
På den måten kan eit høgt forbruk bidra til ein høgare førekomst av LA-MRSA hos dyr. I Noreg har vi generelt god dyrehelse, og det blir brukt lite antibiotika og andre medisinar i husdyrproduksjonen samanlikna med andre land.
Smitten som har vore påvist hos gris i Noreg, stammar sannsynlegvis frå utlandet. Vi går ut frå at han kom inn i norske grisebesetningar via menneske.
Lite risikabelt å spise kjøtt frå smitta grisar
LA-MRSA (antibiotikaresistente bakteriar) kan finnast i kjøtet frå svin som er smitta med bakterien, men sjansane for at menneske skal bli smitta gjennom å ete svinekjøtt, er svært liten.
LA-MRSA finst hovudsakleg på overflata av kjøtet og blir drepen ved varmebehandling. Det er vanleg å gjennomsteikje svinekjøt i Noreg. Det finst alltid ein risiko for at rått kjøt kan innehalde bakteriar eller andre smittestoff, og det er derfor viktig å handtere rått kjøt på ein slik måte at du unngår å bli smitta.
Les meir om smitte frå mat og drikke og om god kjøkkenhygiene
Desse bør teste seg for LA-MRSA
Du som skal jobbe jobbe med husdyr, anten som produsent, røktar, rådgivar, veterinær eller av anna årsak kjem regelmessig i kontakt med fleire husdyrbesetningar, bør teste deg for MRSA i bestemde tilfelle.
Rådet om å teste seg gjeld viss du i løpet av dei siste 12 månader:
- har hatt fast bustad i utlandet
- pendlar mellom utlandet og arbeidsstad i Noreg
- veit at du har vore i kontakt med ei positiv husdyrbesetning
- har besøkt eller arbeidd i husdyrbesetningar i andre land
- vore innlagt i helseinstitusjonar, eller fått omfattande undersøking i helsetenesta, i land utanfor Norden. Dette gjeld også viss du har fått tannlegebehandling.