Leiinga må sjå til at styringssystemet fungerer som planlagt slik formålet med systemet blir oppnådd. I det ligg det eit krav om evaluering og korrigering av systemet.
Både IK-Mat og IK-Akva har krav om evaluering. Det inneber at:
Det primære føremålet med styringssystemet er å sikre at regelverket blir følgt og det må derfor bygge på rett regelverk.
Regelverk blir endra frå tid til annan, og derfor må internkontrollsystemet oppdaterast i tråd med slike endringar. Systematisk gjennomgang med jamne mellomrom vil fange opp eventuelle avvik.
Når de først har utvikla eit styringssystem som samsvarer med gjeldande regelverk, er det sjølvsagt meininga at det skal følgjast ute i verksemda.
Leiinga må skaffe seg informasjon om kva som fungerer godt og kva som kan gjerast betre. Informasjon kan til dømes hentast frå
Dersom leiinga oppdagar at systemet går på tvers av regelverket eller det ikkje fungerer som planlagt, må det gjerast endringar.
Det er ikkje alltid detaljerte krav til løysingar i regelverket, og då er det gjerne eit visst eit handlingsrom som opnar for ulike måtar å handtere ting på. Sjølv om praksis i verksemda er innanfor rammene i regelverket, kan de ha kome fram til andre og betre metodar. Då er det viktig at styringssystemet blir oppdatert og speglar den praksisen de faktisk har. Elles står ein i fare for at ting blir gjort på ulikt vis eller at tilsette blir villeia av styringssystemet.
Skriftlege prosedyrar kan vere nødvendige i et visst omfang. Det er vanleg å halde oversikt over evaluering og korrigering ved å merke prosedyrane med dato for siste revisjon og talverdi for versjon av dokumentet.
På denne måten synleggjer de òg rutinar for å evaluere og korrigere. Samstundes blir det lettare å halde oversikt over kva som er eldre prosedyrar som bør gjennomgåast på nytt.